لو كان إلنا حسين وصحابو
كنا عشقنا غبرة تيابو
وكنا فتحنا الكنايس للتعازي
وجبرنا الدهر يحنيلو ركابو
لو كان إلنا حسين وصحابو..
لو كان إلنا حسين مسيحي
كنا انسمينا بديننا بإسمين
وكنا ندهنا للشمس زيحي
غيبي ارحلي ما زال غاب حسين
ممنوع تشرق شمس بغيابو
لو كان إلنا حسين وصحابو..
ولو مش لإلنا حسين وصحابو
المفروض نقرا الحق بكتابو
ونفتح ابواب قلوبنا لحسين
وبكل سجدة نحسب حسابو
ولو مش لإلنا حسين وصحابو..
هيدا حسين للكل مش للبعض
ثورة على الظالم بكل الأرض
لازم بيومو ع الخليقة فرض
نبكي على المظلوم ومصابو
ونصرخ لإلنا حسين وصحابو