"لسنوات طويلة، كان الإعلام الغربي وبعض السياسيين إمسوين هوسة على موضوع محاولة إيران لصناعة سلاح نووي. بس هسة، إجه مصدر غير متوقع وهو رئيس وكالة المخابرات المركزية (CIA) حته يأكد أن إيران ما عندها نيّه تصنع سلاح نووي."

"سنين وإحنا نسمع قصص هواية عن البرنامج النووي الإيراني. بعض القنوات الإعلامية والقادة الغربيين، دائمًا يتكلمون عن خطر إيران. ليش؟ لأنها تصنع سلاح نووي. بس إيران أكثر من مرة أعلنت إنو برنامجها النووي سلمي وهي تريد من وراه، توليد الطاقة والاستخدامات الطبية."

"هسة بأخر تصريح، رئيس وكالة المخابرات المركزية (CIA) وبكل صراحة گال إنو إيران ما عندها نيه تصنع سلاح نووي. هالتأكيد، دحض هواي من الإشاعات اللي جانت حجه علمود يزيدون الضغط والعقوبات."

"بس ليش هاي الإشاعات دائمًا تتكرر؟.

بالنسبة لهواي محللين، هاي القصص وسيلة حتى يزيدون الضغط على إيران. العقوبات الاقتصادية، العزلة السياسية، وحتى التهديدات العسكرية، كلها تبريرات لهاي الحجة."

"من جهة ثانية، إيران مرات عديدة عن طريق الوكالة الدولية للطاقة الذرية، وضحت برنامجها النووي بالكامل. التفتيشات المتعددة اللي سوتها الوكالة والتقارير الرسمية هي ايضا بينت إنو إيران متصنع سلاح نووي."

"لما منظمة مثل الـCIA، اللي سنين اوهي اتحاول تجمع معلومات ضد إيران، تأكد هيجي موضوع، معناها الرسالة كلش واضحة. هالاعتراف يبين إنو الإشاعات عن البرنامج النووي الإيراني، جانت بالأساس أداة سياسية أومو حقيقة."

"هاي التصريحات تگدر تخلي السياسات الخاصة بالعقوبات والدعاية والتشويه ضد إيران تحت علامة استفهام وتبين إنو قسم من هالضغوطات، چانت مالها أساس ولا سند."

"اليوم و بعد ما أكد رئيس الـCIA إنو إيران ما عندها نيه تصنع سلاح نووي، يمكن إجه الوكت المناسب اللي نتأمل في البرنامج النووي الإيراني بواقعية أكثر."

"إنت شنو رأيك؟.

هذا التاكيد برايك يگدر يغير من سياسات الغرب؟.

شاركنا بوجهات نظرك."