يا سنة مرت ويا عمر انطوى
ويا سنينٍ مقبلة وش تحملين
عام راح بكل مافيه وطوى
صفحة ايامه ولوعات السنين
مدري الايام تبقينا سوى
يامحبه طاهره او ترحلين
ياترى من هو على الفرقا نوى
ومن نويتي يا سنيني تسرقين
ودي اقرى صفحتك والمحتوى
بين صفحاتك لنا وش تضمرين
احتسينا الحزن والقلب ارتوى
من قراح الهم صرنا مكتفين
للغياب جروح ما تلقى دوى
غير رجعة ناس عنا غايبين
اقبل العام الجديد بما حوى
رغم حزن اللي مضى متفائلين
الصبر باقي لو القلب انكوى
والأمل بالله رب العالمين
كل عام وأنتم بخير ...
اللهم اجعلها سنة خير علينا وعليكم
الله يرحم أمواتنا وامواتكم
وربي يعطينا ويعطيكم الصحة والعافية 🌹