كلمات الأنشودة:
يا ماي الحياة ميحدك نهر
من كل الجهات ينشاف الگمر
يا أحلى هوسه هوّست بيها الناس
الخوه صارت يوم صار العباس
___________________
يالمالك نظير
يجزاك الله خير
يا نعم النصير
تسلم يا ابو فاضل
صلى الله عليك
كل الغيره بيك
حيدر باس اديك
بميلادك يكافل
بميلادك من تسمع زينب نادتك
تهز مهدك وبراسك تهتز غيرتك
ما ترضه ايكمطونك الا برايتك
اليوم العالم كله يحجي بخوتك
اذن آذان الاخوه او من سمعناه
أشهدُ ان ابو فاضل غيرة الله
زمزم يالكفيل يحلم بي تمر
والنيل اعله ماي يكتبلك شعر
براحة يمينك نقره آية احساس
الخوه صارت يوم صار العباس
___________________
عباس الوفاء
بالحب والعطاء
تارس كربلاء
والدنيا تطوفك
يا شبل القسيم
الكفال العظيم
بحسانك قديم
والخير بجفوفك
بفعالك تاريخك حافل يالكفو
بالخوه ويه حسينك يا نعم الاخو
من آدم للمحشر مثلك وين اكو
لو نفرض قارنه عباس ابمنو
بالشجاعة علي ثاني انشبهك اوياه
أشهدُ ان ابو فاضل غيرة الله
يبن ام البنين يا وافي العهد
يا جيش الحسين صرت من المهد
مصحف صرت للخوه يا رفعت راس
___________________
للخوه مثال
ميدركك خيال
فائق بالجمال
وأحلى من الكواكب
كلك معجزات
حيرت الفرات
من عمق الحياة
تستخرج عجايب
عباس بشخصيتك عالم مختلف
من مهدك والطفك ميحدك وصف
شما حاول اوصلك ما اوصل حرف
كل موقف بنجازك نهر ابلا جرف
جفك ايصيد المواقف شايل الواه
أشهدُ ان ابو فاضل غيرة الله
صياد الاسود حمزه والنعم
وجفك بالطفوف صياد الزلم
تستاهل بجفك يكافل تنباس
الخوه صارت يوم صار العباس