اذا ما سجلتني ويا أنصارك دخيلك سجل اسمي ويا زوارك
——— ١ ———
اذا بدفتر أنصارك ما لگيت اسمي
ولا مكتوب دونك أفتدي بدمي
دخيلك أسألك يا سيدي بهمي (وأحلفك بالتنوحن آه يبن أمي)
أريدن يا امامي اوصل اديارك
——— ٢ ———
اذا يحسين حظي قصر بهايا
ولا لجلك جرت في كربله ادمايا
أريدن كربله أوصلها مشايا
( وتسليني دمعتي التمشي ويايا )
وأزورك سيدي واتهنى بجوارك
——— ٣ ———
اهي طلبه امامي وأسئلك بيها
وأظن سهله عليك وانته تدريها
أراضي كربله أتعنى واديها
( وأخط بجدامي خطوه في براريها )
وتسجلني أريدك ويا خطارك
——— ٤ ———
أنا الناذر حياتي كلها لحسابك
( اخدمك يا امامي وأخدم احبابك )
أطلبك سيدي وصلني لترابك
( وگبل موتي اريدن اوگف ابابك )
أريد ألثم ترابك وألمس آثارك
——— ٥ ———
واذا ما چان حظي بهاي يسعدني
( وصرت بين الترايب وانگطع ظني )
أطلبك يا امامي بدمعتني وحزني
من أنصار الامام المهدي سجلني
واجيلك سيدي من يطلب بثارك